Artziniegako Udala k Arteko Gure Ama Ikastetxea ko jolasgunea handitu eta hobetzeko lanak egitea aurreikusten du udan, datorren ikasturte hasierarako prest egon dadin. Proiektu honek Eusko Jaurlaritza ren 29.000 euroko dirulaguntza jaso du, eta guztira 50.000 euroko aurrekontua izango du, udalaren ekarpenarekin osatuko dena.

Lan hauek eraberritze prozesu handiago baten lehen urratsa izango dira, Arkaitz San Jose zinegotziak azaldu duenez. San Josek "sekulako proiektua" dela adierazi du, "urratsez urrats" garatu beharrekoa. Udako lanak "egiteke denbora gehien daraman zatia" dira, zehazki, Haurreskola eta Lehen Hezkuntzako sarreran dagoen jolasgunea hesitu egingo da, "toki babestuagoa" izan dadin.

Etorkizunean beste urrats batzuk ere aurreikusten dira. Hezkuntza komunitatea "espazio komunak eta patioa" eraberritzeko prozesu batean murgilduta dagoela gaineratu du udal ordezkariak. Horien artean, "futbol zelaiari zentralitatea kendu" nahi diote, espazioa "beste modu batera" interpretatzeko. San Josek azpimarratu duenez, "sekulako zortea" dute patio handia eta eremu berde zabala izateagatik, eta horregatik, "guztirako espazioa" dagoela aldarrikatu du, "ez da ekintzarik kanpoan utzi behar, baina beste zentralitate bat eman nahi zaio espazioari".