Ziklo artistiko honek hiru ardatz nagusi ditu: natura, euskara eta gorputza. Antolatzaileek adierazi dutenez, helburua da hitzetatik harago doazen jakintzak esploratzea, paisaiak eta euskararen magalean sortutako sentsazioak erdigunean jarriz.
Horretarako, diziplina anitzeko artistak eta ikerlariak bilduko dira, arte plastikoak, dantza, musika eta arkitektura bezalako eremuak jorratzeko.
“"Helburua hitzetatik harago doazen jakintzak esploratzea da, paisaiak eta euskararen magalean sortutako sentsazioak erdigunean jarriz."
Egitasmoari hasiera emateko, larunbatean, apirilaren 25ean, egun osoko egitaraua antolatu dute Faktoriatik gertu dagoen naturgune batean. Goizean, sorkuntza kolektiboa eta performancea egingo dituzte, Auzolan kultura hausnarketarekin batera. Ekimen horren bidez, esperientzia kolektibo bizigarriak sustatu eta saretze basatiak eragin nahi dituzte, komunitateari sorkuntza prozesuetan parte hartzeko aukera emanez.
Eguneko egitarauak iluntzean jarraituko du ekitaldi kultural eta gastronomikoekin. Faktoriako Elikadura Ildoak prestaturiko dastaketaren ondoren, Ez gara alferrik pasako dokumentala proiektatuko dute. Eguna amaitzeko, bakarkako kontzertua eta Berbalabanakaz taldearen musika zuzenean gozatzeko aukera egongo da.
