Izadi Zaleak elkarteak mendi irteera berri bat antolatu du iganderako, Bizkaiko Urdaibai ingurura. Helburua paraje horretako mendi tontorrak ezagutzea da. Irteera 07:00etan hasiko da elkarte paretik, eta 19 kilometroko ibilbidea eginez, 990 metroko desnibelarekin, bazkalondoan itzuliko dira mendizaleak. Ibilbidea Basondo-Ereñozar-Atxarre-Ogoño-Elantxobe-tik igaroko da.
Interesatuek izena eman behar dute gaur, asteartea, eta ostegunean, 18:30etik 19:30era bitartean, elkartean bertan. Alternatiboki, 943 73 11 68 telefono zenbakira mezu bat bidali daiteke. Ibilbidearen xehetasun gehiago izadi-zaleak.eus webgunean kontsulta daitezke.
Horrez gain, beste plan bat ere proposatu du elkarteak iganderako: mendiko orientazioaren hastapenak. Jarduera hau Legazpin bertan izango da, Kimu Berri aterpearen inguruan, eta haurrei zein helduei zuzenduta dago, aurretiko ezagutzarik behar izan gabe.
Parte hartzaileek mapa eta iparrorratzaren erabilera ikasiko dute, eta ondoren, taldeka lan eginez, balizak topatzeko ibilbide bat burutuko dute. Hitzordua 09:00etan izango da elkarte paretik, Ardanbidetaraino mendi paseoa eginez igotzeko, eta 11:00etan elkartuko dira Kimu Berri aterpean.
