Emanaldia larunbatean izango da, arratsaldeko 17:30ean hasita, eta Azkoitiko Cavaille-Coll organoan joko du. Kontzertu honek Organoak Plazara 2026 egitasmoaren parte da, zeinak organo musika publiko zabalagoarengana hurbiltzea helburu duen.
Organista Markina-Xemeinen (Bizkaia) jaio zen 2000. urtean, eta bere musika ikasketak jaioterrian eta Ondarroan (Bizkaia) hasi zituen. Geroago, Bergarako (Gipuzkoa) musika eskolan organo ikasketak egin zituen, eta goi mailako ikasketak eta Organo Masterra Musikenen burutu zituen.
Bakarlari gisa zein abesbatzekin batera kontzertu ugari eskaini ditu, besteak beste, Donostiako Musika Hamabostaldian, Leongo Katedraleko Organo Zikloan, Diego Amezua Bizkaiko Hotsak Organo Jaialdian eta Stuttgarteko Internationale Bach Akademie jaialdian. Gainera, Alemaniako hiriburu horretako Petruskircheen erakundearen organista titularra izan da. Aurten, Markina-Xemeingo Musika Haizeak musika zikloaren koordinatzaile lanetan ere aritu da.
