Ekimenaren baitan, parte-hartzaileak Urizarreko pilotalekutik irtengo dira goizeko 10:30ean. Ibilbidea Ugartemenditik igaroko da, eguerdiko 12:00etarako Urizarmendi gailurrera iristeko helburuarekin. Bertan, argazki saio bat egingo dute, tontorra emakumez beteta dagoela irudikatzeko.

Antolatzaileek aurreikusi dutenez, 13:30erako itzuliko dira herrigunera, eta eguna amaitzeko, aperitiboa hartuko dute taldean. Parte hartu nahi duten emakumeek Bizkaiko Mendi Federazioaren webgunean eman beharko dute izena, Lemoizko Etzandarri mendi taldea eta Urizarmendi gailurra hautatuta.

Gizonezkoek ere parte har dezaketen arren, antolakuntzak azpimarratu du emakumeak direla ekimenaren protagonistak. Gizonen kasuan ez da izen-ematerik behar, baina federazioak Bizkaia osoan lortutako parte-hartze datuak zehaztasunez biltzeko, zerrenda ofizialean agertzea garrantzitsua dela gogorarazi dute.