Udaleko Gizarte Politiken departamentuak esperientziaren lehen balorazio positiboa egin du. Ekimen hau Bartzelona eta Logroño bezalako hirietan abian jarritakoen antzekoa da, eta zerbitzuaren onuradunei eskaintzen zaien arretaren kalitatea zein bertako langileen lan baldintzak hobetzea du helburu.
Hurbileko SADak talde profesional egonkorrekin lan egiten du, eta adineko pertsona talde zehatzei zuzenduta dago. Hauek mendekotasun-gradu aitortuetako edozein izan dezakete, baina guztiek dute komunean gutxienez bi profesionalek etxean aldi berean artatzen dituztela.
Erreferentziazko langileen jarraitutasunak, batetik, artatutako pertsonen beharrizanak, lehentasunak eta ohiturak hobeto ezagutzea ahalbidetzen du. Bestetik, lotura sendoagoak sortzen ditu eta segurtasun, ongizate eta laguntza sentsazio handiagoa sustatzen du haien artean.
Proiektuak, era berean, zaintzen ikuspegi erlazional bat biltzen du, ulertuz erabiltzaileen bizi-kalitatea "estuki lotuta" dagoela haiek zaintzen dituztenen enpleguaren kalitatearekin.
Joan-etorrien murrizketak, antolaketa-egonkortasun handiagoak, profesionalen etengabeko aldaketen jaitsierak eta zerbitzuen plangintza hobeak langileen lan-baldintzak hobetzen laguntzen dute, lan-gogobetetasuna handitzen eta emandako arretarekiko konpromisoa indartzen.
Oraingoz, 21 profesional ari dira pilotuan parte hartzen.
