Sindikatuek eta patronalak 16 bilera baino gehiago egin dituzte orain arte, baina negoziazio mahaian ez da aurrerapenik lortu. Langileen ordezkariek salatu dutenez, enpresaburuek proposatutako bost urteko hitzarmena gehiegizkoa da, eta eskainitako soldata igoerak ez dira nahikoak bizi-kostuaren igoerari aurre egiteko.
Gatazkaren erdigunean soldata-arrakala eta lan-baldintza prekarioak daude. Langileek adierazi dutenez, sektoreak Mila pertsona inguru biltzen ditu Bizkaian, eta emakumeen presentzia oso altua da. Sindikatuek azpimarratu dute soldata-berdintasuna lortzeko neurriak ez direla nahikoak eta patronalaren proposamenak urte asko beharko lituzkeela desberdintasun hori zuzentzeko.
“"Soldata igoerak ez dira nahikoak sektorearen benetako beharrak estaltzeko, ez dira IPC-ari lotuta eta ez dira nahikoak soldata-arrakala ixteko."
Greba deialdiak CCOO, ELA, LAB eta UGT sindikatuen babesa izan du, eta jarraipena masiboa izan da Bermeo eta Ondarroa bezalako herrietan kokatutako lantegi nagusietan. Hurrengo bilera ekainaren 4an izango da, eta langileek espero dute mobilizazioek negoziazioa desblokeatzen lagunduko dutela.
