EGKren lau hamarkadako ibilbidearen ospakizunaren baitan egindako ekitaldian, gazte-elkarteetako mugimenduaren, erakunde publikoen, gizarte-erakundeen eta gazteriaren esparruarekin lotutako beste hainbat eragileetako ordezkariak bildu ziren. Topaketak urte hauetan egindako lana balioan jartzeko eta Euskadiko gazteen parte-hartzea eta eskubideak sustatzen jarraitzearen garrantzia azpimarratzeko balio izan zuen.
IZATEA SARIAK ren lehen edizio honetan, honako hauek izan dira sarituak: AVIFES Salud Mental Bizkaia Gazte Ibilbidea sariarekin, A90GRADOS Proiektu Berritzailea edo Balio Handikoa sariarekin, eta José Luis Madrazo Juanes Konpromiso Instituzionala sariarekin.
EGK-k beste aintzatespen bat gehitu dio bere 40. urteurrenaren ospakizunari, eta gazteek gizartean rol aktiboa izan dezaten laguntzen duten ekimen, ibilbide eta konpromisoak jarri ditu erdigunean.
