Durangoko udal merkatuak programazio zabala eskainiko du apirilean, herritarrei zuzenduta. Ekimen hauen helburua gastronomiaren ezagutza bultzatzea, tokiko produktuen balioa azpimarratzea eta topagune dinamiko batean parte-hartzea sustatzea da.
Programazioa apirilaren 11n hasiko da, larunbatean, Amatxo Gaztak gaztagilearen bisitarekin, goizeko 8:00etan. Bertaratzen direnek ekoizlearen lana gertutik ezagutzeko eta bere produktuak dastatzeko aukera izango dute. Horrez gain, ostegunetan, arratsaldeko 18:00etan, prestakuntza eta dibulgazio proposamenak egingo dira.
Apirilaren 16an, oilaskoaren zatiketa eta aprobetxamenduari buruzko sukaldaritza tailer praktikoa egingo da. Ondoren, apirilaren 23an, Euskal Sagardoa dastaketa bat antolatuko da, euskal sagardoa ezagutzeko eta gozatzeko. Apirilaren 25ean, landare basati jangarriei buruzko show cooking bat eskainiko da, haien aukera gastronomikoak erakutsiz.
Hilabetea amaitzeko, apirilaren 30ean, “Aleatik ogira I” saioa egingo da, “Ekoizlea ezagutzen” tailerraren barruan. Bertan, lehengaitik ogiaren elaboraziora arteko prozesua aztertuko da.
“"Merkatuak espazio bizi eta dinamikoa izan behar du, urte osoan jarduera sortzen duena eta herritarrak erakartzen dituena. Dinamizazioa funtsezkoa da benetako topagune bihurtzeko, tokiko merkataritza indartzeko eta gure hurbileko produktuei ikusgarritasun handiagoa emateko."
