Programa honen helburua da merkatuaren dinamismoa bultzatzea, topagune hurbil eta dinamiko bat sortuz. Horretarako, ostegun arratsaldetan hainbat prestakuntza- eta dibulgazio-proposamen garatuko dira. Esaterako, apirilaren 16an oilaskoaren zatiketan eta aprobetxamenduan oinarritutako sukaldaritza-tailerra egingo da, egunerokoan erabilgarriak diren teknikak irakatsiz. Ondoren, apirilaren 23an, Euskal Sagardoa ren dastaketa bat eskainiko da, edari tradizional honen ezaugarriak ezagutzeko. Azkenik, apirilaren 30ean, “Aletik ogira I” saioa egingo da, “Ekoizlea ezagutzen” jardueraren barruan, alea ogi bihurtzeko prozesua xehetasunez aztertuz.
Programazioa larunbat goizetako jarduerekin osatuko da. Apirilaren 11n, goizeko 8:30ean, Amatxo Gaztak izango da ekoizle gonbidatua, eta bertaratzen direnek bere produktuak eta lan egiteko modua ezagutzeko aukera izango dute. Era berean, apirilaren 25ean, basalandare jangarrien inguruko show cooking saio bat egingo da, horien sukaldaritza-aukerak erakusteko.
“"Durangoko Merkatuak espazio bizia eta dinamikoa izan behar du, urte osoan zehar jarduera sortuko duena eta herritarrak erakarriko dituena. Dinamizazioa funtsezkoa da benetako topagune bihurtzeko, tokiko merkataritza indartzeko eta gure hurbileko produktuei ikusgarritasun handiagoa emateko. Horrela bakarrik lortuko dugu merkatua motor ekonomikoa izatea eta Durangoren nortasunaren isla izatea."
Mireia Elkoroiribe Durangoko alkateak azpimarratu du merkatuaren dinamizazioa funtsezko elementua dela proiektu honetan. Bere hitzetan, merkatuak espazio bizi eta dinamikoa izan behar du, urte osoan zehar jarduera sortuko duena eta herritarrak erakarriko dituena, tokiko merkataritza indartuz eta hurbileko produktuei ikusgarritasun handiagoa emanez.
