Lehiaketa honen helburu nagusia Bizkaiko talentu eta sormen literarioa bultzatzea, indartzea eta zabaltzea da. Hamasei urtetik gorako pertsona fisikoek parte hartu ahal izango dute, baldin eta aurkeztutako lanak originalak badira eta aurretik argitaratu gabeak, osorik zein zati batean.

Parte hartzeko, gutxienez baldintza hauetako bat bete behar da: Bizkaiko Lurralde Historikoan jaioa izatea, edo oinarriak argitaratzen direnean bertan erroldatuta egotea, edota oinarriak argitaratu aurretik gutxienez urtebetez Bizkaiko Lurralde Historikoan erroldatuta egon izana.

Aurreko bi edizioetan lehen saria irabazi dutenek, saririk jaso ez zuten modalitatean bakarrik parte hartu ahal izango dute aurtengo deialdian, euskaraz edo gaztelaniaz. Parte-hartzaileek bi istorio hauetako bat jarraitu beharko dute: Itsasoaren doinua, Haizea Lópezek idatzita, edo Las ideas prietas, Gazta Ruizena.

Lehiaketaren oinarriak eta parte hartzeko inprimakia, baita banku-helbideratzearen fitxa ere, sarean deskargatu daitezke edo, paperean, Foru Liburutegiko beheko solairuan jaso.