Barakaldoko Udalak, Udal Zerbitzuen arloaren bidez, 290 zuhaitz inguru landatu ditu hiriko kaleetako zuhaitz-hobi eta parke zein lorategietan. Lan hori abendutik martxora bitartean egin da, gaixo zeuden edo azken haize-ekaitzetan eroritako aleak ordezkatzeko helburuarekin. Usoa desgaitasuna duten pertsonen tailerraren laguntza izan da, udal lorezaintza lanak egiteaz arduratu baita.
Landatutako ale berrien artean, 167 bide publikoko zuhaitz-hobietan kokatu dira, eta gainerako 123ak, berriz, lorategietan. Jarduketa honek segurtasun arrazoiengatik kendu behar izan diren zuhaitzak ordezkatzeko beharrari ere erantzuten dio.
Landatutako espezieen artean, besteak beste, astigarrak, Konstantinoplako akaziak, Indietako gaztainondoak, urkiak, pagoak, gorostiak, Jupiterreko zuhaitzak, ereinotzak, Japoniako aligustreak, Virginiako tulipanondoak, magnolioak, sagarrondo basatiak, masustondoak, itzaleko platanoak, gereziondoak, aranondo gorriak, ezkiak, zumarrak, arteak, haritzak eta sahats negartiak daude.
“"Zuhaitzek gure kaleak eta parkeak edertzeaz gain, funtsezkoak dira airearen kalitatea hobetzeko, tenperatura erregulatzeko eta klima-aldaketari aurre egiteko. Landatzen dugun zuhaitz berri bakoitza gure auzokideen osasunean eta ongizatean egindako inbertsio zuzena da."
