Astigarragako txirrindulariek bi lasterketa izan zituzten asteburuan: larunbatean Amorebietan eta igandean Altsasun. Ekhi Garmendia izan zen bi probak amaitu zituen herriko txirrindulari bakarra, Iruki/Almetac Donostialdea Bizikletan eskolakoa. Asteburuko bero handiari aurre eginez, Amorebietan bigarren taldean sartu zen eta Altsasun pelotoiaren erdian.

Bestalde, Xabat Artolak, aste osoa gripe prozesu batekin egon ondoren, Ekhiren taldean amaitu zuen Altsasuko lasterketa. Proba horretan, Aimar Zapiainek denboraldiko posturik onenetako bat lortu zuen. Altamira portua buruko taldearekin igaro ondoren, 26. posizioan sartu zen, jaitsiera txar baten ondoren.

Datorren astean, Astigarragako txirrindulariek Atarrabiako lasterketa gogor eta haizetsua izango dute larunbatean.