Irun-eko Udaleko Obra, Mantentze eta Azpiegitura Sailak jakinarazi duenez, irailaren 28 an, astelehenarekin, hasi dira Casas del Juncal plazaren barruko eraberritze lanak. Proiektu honek auzoko espazio publikoa hobetuko du, Gipuzkoa etorbidearen eta Elizatxo etorbidearen arteko gunean kokatua.
Herritarren Aurrekontuen ekimenaren proposamen irabazle batetik abiatzen den jarduera honek, alde batetik, zaharkituta dauden hiri-elementuak berritzea ahalbidetuko du. Bestetik, irisgarritasuna hobetuko du eta haurrentzako jolas inklusiboak gehituko ditu, horiek baitira partekatutako egoitza-guneetan lehentasunezko alderdiak.
Hobekuntza hau 2022 an sinatutako Hiritarren Segurtasun eta Bizikidetza Itunaren barruan ere kokatzen da. Itun honek auzo espezifikoetan eraldaketa urbanistikoak egitea planteatzen du, gune jakin batzuen diseinua, irudia eta argiztapena hobetzeko, puntu beltzak identifikatu eta jorratuz.
Egungo jarduera honekin, plazako jolas-eremuak zabaldu nahi dira, parke-izaera handiagoa emateko. Horretarako, pasabideak eta plazaren jolas-eremuak hesien bidez bereiziko dira. Egurrezko hesi bat jarriko da parke berriaren perimetro osoan, txakurrak bertara sar ez daitezen eta sarreran jarriko den kartelak hesidutako gunearen barruan jarraitu beharreko arauei buruzko informazio eraginkorragoa izan dezan.
Goiko aldean dagoen egurrezko banku luzea txikiago batekin ordezkatuko da, espazioa askatzeko eta gunea haurrentzako jolasei uzteko. Horrela, egungo egonaldi pasiboko gunea espazio aktiboago eta parte-hartzaileago bihurtuko da. Hormigoi-hormako zulo bat irekiko da ikusizko konektibitatea hobetzeko, ingurune urbano inklusiboago, seguruago eta atseginago baterantz lagunduz.
Jolas berriak instalatuko dira, besteak beste, goiko eta beheko guneak lotuko dituen txirristak. Gainera, egungo jolas batzuk ordezkatuko dira eta mantendu beharrekoetan konponketa-lanak egingo dira. Hiri-altzariak, argiztapena eta lorategi-eremuak hobetu nahi dira, eta barandak eta eskudelak berritu, irisgarritasunari eta erabiltzeko segurtasunari buruzko egungo araudira egokitzeko.
Esleipenaren aurrekontua 226.721,94 euro koa da eta 4 Badia Mantentze Zerbitzuak S.L.U. enpresak gauzatuko ditu lanak, hiru hilabeteko epean.
