Futbol taldeak harrera jendetsua izan du Hondarribiako aireportuan. Zale ugari bildu dira bertan, garaikurra gertutik ikusteko irrikaz.
Taldeko kapitainek, Mikel Oyarzabal eta Aritz Elustondo futbolariek, erakutsi dute Kopa, zaleen txalo zaparrada eta poz-adierazpen artean.
Garaikurraren iritsierak ilusio handia piztu du Gipuzkoako zaleen artean, eta ospakizun giroa nagusitu da aireportuan.
