Elkarteak Irunen, Fueros kalean kokatutako egoitzan, zein online formatuan emango ditu zerbitzuak. Eskaintza honen barruan, material ortopedikoaren mailegua eta erretzeari uzteko terapiak nabarmentzen dira, paziente zein senideei laguntzeko asmoz.
Irailean eta urrian hainbat ekimen jarriko dira martxan: irailaren 23an erretzeari uzteko online taldea hasiko da, eta irailaren 30ean sexualitateari buruzko tailerra egingo da Irunen. Egun horretan bertan, nikotina kontsumitzeko modu berriei buruzko saioak hasiko dira hezitzaileentzat.
Urriaren hasieran, ‘Lasai josten’ babes-kuxin lantegia eta gurasoei zuzendutako nikotina-kontsumoaren inguruko online saioak izango dira. Gainera, urriaren 16an ‘Euskadi minbiziaren aurka’ IV. Kongresua ospatuko da.
Jarduera guztiak doakoak dira eta ez da bazkide izatea beharrezkoa. Parte hartzeko, aldez aurretik izena eman behar da 943 45 77 22 telefonora deituz, gipuzkoa@contraelcancer.es helbidera idatziz edo elkartearen webgunearen bidez.
