Iruneko Udaleko Gazteria sailak, GazteARTEan-ek, irailaren 15ean berriro irekiko dituela irundar gazteentzako Gaztelekuak iragarri du. Martindozeneako eta Artia-ko Gaztelekuak zabalik egongo dira hilabete amaierara arteko jarduera ugari eskainiz.
Irailaren hondarrean, Gaztelekuetan hainbat ekitaldi nabarmenduko dira, hala nola "Cinnamon rolls" sukaldaritza tailerra, "Cuadros de Neon" tailerra, Brawl Stars bideojokoaren txapelketa edo Olinpiaden Eguna.
Gainera, aurreko urteetan bezala, ate irekien jardunaldiak antolatuko dira gurasoek eta hezitzaileek ekipamendua, programa eta hezitzaile taldea bertatik bertara ezagutu ahal izateko. Artia-ko Gaztelekuan, jardunaldi hauek irailaren 14an izango dira, eta Martindozeneakoan, berriz, irailaren 21ean, 17:30ean eta 19:30ean bi txanda izango direlarik.
Interesdunek telefonoaren edo WhatsApp-en bidez jarri dezakete harremanetan 681 94 67 98 telefono-zenbakian edo helbide elektroniko bat bidaliz.
Bi Gaztelekuen ordutegia ohikoena izango da: astearte eta ostegunetan 17:00etatik 20:00etara, eta ostiral eta larunbatetan 17:00etatik 21:00etara. Azkenik, 15-18 Gunea ez da urriaren 2ra arte irekiko, ohiko ordutegian (ostiral eta larunbatetan, 17:00etatik 21:00etara).
