Jaialdiak musika eta jai giroa hirigunean zehar zabaltzea du helburu. Egitaraua 12:30ean hasiko da San Juan eta Urdanibia plazen inguruan, eta 02:00ak arte luzatuko da. Jardunaldiak tokiko zein Estatuko hainbat txokotatik etorritako taldeen emanaldiak bilduko ditu.
Kultur arloko arduradunek nabarmendu dutenez, ekimen honek hiria bizitzaz betetzeaz gain, tokiko ostalaritzan eragin positiboa du. Peña Poteo taldearen lankidetzari esker, musika zuzenean kalera ateratzea lortu da, herritarren arteko topaguneak sortuz.
Musika egitaraua hainbat txandatan banatuko da: eguerdian lehen saioak izango dira, eta arratsaldean 17:00etatik aurrera beste talde batzuek hartuko dute lekukoa. Gauean, San Juan plazan kontzertu berezi bat egingo da, eta jardunaldia amaitzeko, azken talde batek girotuko du gaua 02:00ak arte.
