Iruneko Udala k aurkeztu du 2026 ko udazkeneko 'Bizi Gogoz' programaren eskaintza berria. 60 urtetik gorako pertsonei zuzendutako ekimen honek doako jarduerak eskainiko ditu, harremanak indartzeko helburuarekin. Aurkezpenean parte hartu zuten Josu Iguiñiz delegatuak eta tailerrak emango dituzten arduradunek: Olga Grande, Patxi Pérez, Junkal Alfonso eta Ivan Aramayo (Yeye Studios-ekoak).
2024an martxan jarritako programa honek, adinekoen sormena eta ongizate fisiko zein mentala sustatzea du helburu. 2023 ko aurrekontu parte-hartzaileen bidez jasotako eskari bati erantzuten dio. Programak urte osoan zehar zabaldu nahi ditu jarduerak, adinekoentzako zentroetatik haratago ere iritsiz. Iazko edizioan 165 pertsona baino gehiagok parte hartu zuten.
Josu Iguiñiz delegatuak azpimarratu duenez, tailer hauen bidez "bizitza osorako ikaskuntza eta jakin-mina suspertu nahi ditugu, berdinen arteko parte-hartzea eta sare sozialen sorrera sustatuz. 'Bizi Gogoz' arloko jarduera egonkorrenetako eta arrakastatsuenetako bat da, eta horrek erakusten du Irun hiri aktiboa dela eta adinekoek beren hirian gozatzen jarraitu nahi dutela".
Udaberrian, besteak beste, '+60 ART: Ruth Asawa emakume artistak', 'Sexu-gaitasunak +60' tailerrak, josteko tailer intergenerazional bat eta 'Behin batean nire bizitza' idazketa autobiografikoko tailerra burutu ziren, Itziar Sistiaga idazlearekin. Azken hau udazkenean ere jarraituko du, irailaren 14 an, astelehenarekin, hasita, 17:00etatik 19:00etara. Datozen hilabeteetarako, programazioa indartu egin da eta tailer eskaintza zabalagoa dago.
'Ideien Kluba' tailerra: Olga Grande kazetariak emango du urriaren 2 tik azaroaren 20 ra bitartean ostiraletan (17:00-19:00). Adinekoek beren burua adierazteko segurtasuna irabaztea eta esperientziak partekatzea du helburu. Palmera Monteroko Gizarte Zentroan izango da.
Antzerki Inprobisazioko Tailerra: Patxi Pérez aktoreak gidatuko du Lekaeneako gizarte-espazioan urriaren 8 tik azaroaren 26 ra bitartean ostegunetan (11:00-13:00). Esperimentatzeko, eraldatzeko eta egoera ezustekoetan aritzea sustatuko da.
'Adimen Artifiziala beldurrik gabe' tailerra: Yeye Studios-eko informatika profesionalek urriko asteazkenetan (17:00-18:00) emango dute Palmera Monteroko Gizarte Zentroko ziber-aulan. Adimen Artifizialari eta eguneroko bizitzan erabilgarri izan daitezkeen tresnei buruzko hasierako formazioa eskainiko da.
+60 ART: 'Léon Bonnat' tailerra: Junkal Alfonso artistak (Artean-ekoa) azaroan zehar astearteetan (17:00-19:00) emango du Palmera Monteroko Gizarte Zentroan. Artearen munduan interesa dutenentzako tresna kultural eta artistikoak eskainiko dira, Léon Bonnat margolari frantziarraren lanetan zentratuz. Azaroaren 26 an Baionako Bonnat-Helleu Museora irteera bat ere izango da.
Jarduera guztiak doakoak dira. Izena emateko epea irailaren 15 etik 25 era bitartean egongo da zabalik, udalaren webgunean ([www.irun.org](http://www.irun.org)). Eskari gehiago baldin badaude plazak baino, zozketa publikoa egingo da irailaren 28 an, 12:30ean, Palmera Monteroko Gizarte Zentroan.
