Ekitaldia larunbat arratsaldeko 19:00etan hasiko da, eta Jakes Txapartegi eta Iñaki Gezala pianoan eta Aleksandra Gladysheva abeslari gisa arituko dira. Helburua Familia de Hetauda GKEarentzat eta Si Asha Fundazioarentzat dirua biltzea da, biak Nepalen haur desgaituen hezkuntza eta bizitza duina sustatzen dutenak.
Hitzaldia izango da ekitaldiaren ardatza, musika inklusio tresna gisa ulertarazteko asmoz. Aina Barca, Familia de Hetauda erakundearen sortzailea, bertan izango da, Iñaki Guezala eta Aleksandra Gladysheva rekin batera antolatutako ekitaldi honetan. Aurretik Bartzelonan egin zen, eta orain Bidasoaldean aurkezten da GKEaren lana ezagutzera emateko.
“"Nepalen uste da desgaitasuna duen haur bat jainkozko zigorra dela. Inork ez zuen uste haur horiek eskolara joan behar zutenik, ez zutelako bururik. Kaiola barruan haurrak ikusi izan ditut egun osoan edo ohearen buruan lotuta, familiak lanera joaten ziren bitartean. Duela 14 urte, hori ezin zela gertatu erabaki nuen eta hezkuntza bereziko eskolak eraikitzen hasi nintzen Nepalen."
Ainak adierazi duenez, hasieran zailtasunak izan zituzten eskola erregistratzeko, gobernuak ez baitzuen beharrezkotzat jotzen. Hala ere, pixkanaka mentalitate aldaketa bat gertatzen ari da, eta musika funtsezko tresna bihurtu da hezkuntza eta terapia garapenean. Ekitaldian zehar, dohaintzak egin ahal izango dira Familia de Hetauda eta Si Asha Fundazioarentzat, musika gela oso bat eraikitzeko eta musikoterapia lanekin jarraitzeko asmoz.
Bertaratu ezin direnentzat, Zero Ilara bat ere prestatu da, bi erakundeei ekonomikoki laguntzeko aukera izan dezaten. Sarrera prezio finkorik ez dago, eta asistentzia bakoitzaren borondatearen araberakoa izango da.
