Partida bikain hasi da Aloña Mendi taldearentzat. Lehen minutua bete aurretik, Gari Galdosek kontraeraso azkar batean gola sartu eta markagailuan aurretik jarri du taldea. Ondoren, 11. minutuan, Jon Guridik bigarren gola lortu du korner jokaldi bat aprobetxatuz. Lehen zatiaren amaieran, Iñaki Alonsok, Gari Galdosek eta Oier Gerreirok sartutako golek partida erabakita utzi dute, 5-0eko emaitzarekin.
Bigarren zatian intentsitatea jaitsi bada ere, taldeak ez du aukerak galdu. Teknikariek aldaketak egiteko eta jokalariei agur esateko baliatu dute denbora hau. Azken hamabost minutuetan, Hasier Arregik eta Jon Legazpiak sartutako bi golek partida eta lortutako igoera biribildu dute, 7-0eko emaitzarekin.
AUPA ALOÑA TRA, KA, TRA!!!!!
Orain, hamabost egun barru HONDARRIBIA taldearen aurka neurtuko dituzte indarrak, zein denboraldi honetako kategoriaren txapelduna erabakitzeko.
