Aizkorri-Aratz natura parkearen bihotzean kokatutako Pottokaleku Interpretazio Zentroan jarduera berezia antolatu dute datorren igande goizerako. Ekimen honek duela milaka urte euskal lurraldean bizi izan diren zaldirik zaharrenak ezagutaraztea du helburu, baita animaliekiko errespetua sustatzea ere.

Egitaraua 11:00etan hasiko da, pottokaren inguruko azalpen dinamiko batekin. Ondoren, euskal kondaira bat kontatuko da animalia hauek protagonista direla. Parte-hartzaileek zuzenean pottokengana gerturatu, eta haiek orraztu, laztandu, uhalak jarri edo gidatzeko aukera izango dute. Haurrek, gainera, gainean ibiltzeko aukera ere izango dute.

Jardueran parte hartzeko, aurrez izena eman behar da, plazak mugatuak baitira. Horretarako, 943 782 894 edo 699 335 181 telefonoetara deitu daiteke, arantzazu@gipuzkoanatura.eus helbidera idatzi edo www.gipuzkoanatura.eus webgunea bisitatu. Sarreren prezioa 13 eurokoa da 3 eta 12 urte bitarteko haurrentzat, eta 17 eurokoa gainontzekoentzat.