Goizean zehar jokatu dira partidak, klubeko jokalariak, bai mutilak eta baita neskak ere, mailaren arabera nahastuz. Hauek, beraien gurasoen eta entrenatzaileen aurka aritu dira kantxan. Kadete eta gazte mailakoek zazpiren aurka zazpi jokatu dute, eta infantilek, berriz, zazpi jokalari baino gehiago izan dituzte zelaian.
Ondoren, senior mailako taldeak ere aurkari bereziak izan ditu: jokalari ohiak. Lehenengo Nazional Mailan jokatu zuen taldeko kide izandako batzuk ere bertan izan dira. Barre artean, lehia zintzoa izan dute bi taldeek.
“"Halako egunak oso inportanteak izaten dira. Aspaldiko lagunekin elkartzeaz harago, eskubaloia bizirik dagoela erakutsi behar dugu. Jokalari izan ginen garaiko oroitzapen oso politak ditugu, eta beti da gozamena eskubaloian jokatzea."
Jardunaldiari amaiera emateko, bazkari bat antolatu da Iturripe kanpoan, non klubeko kide guztiak elkartu diren. Bertan, eskubaloiaren inguruko giro ona eta komunitatearen indarra nabarmendu dira.
