Aulestiko frontoian ospatu dira asteburuan Bizkaiko Eskolarteko bertso idatzien eta bat-bateko finalak. Ekimen hau Ikastolen Elkartea k eta Bertsozale Elkartea k antolatzen dute elkarlanean, eta ia 200 gazte bildu dira bertsoen inguruan.

Ostiral eta larunbatean, hainbat mailatako idatzizko finalak jokatu ziren. DBH eta batxilergoko ikasleek apirilean eta maiatzean egindako aurrekanporaketen ostean neurtu zituzten indarrak. LH5 eta LH6 mailako finalak ostiralean izan ziren.

Larunbatean, berriz, bat-bateko finala izan zen nagusi, zortzi finalistek parte hartu zutelarik. Aurten 39 bertsolarik eman dute izena txapelketa honetan. Finalistek zortziko handian eta txikian ofizioz kantatu ondoren, bakarkako ariketa egin zuten. Horien artean, Iradi Barrenetxea Akesolo (Artea) eta Jon Abasolo Sarralde (Munitibar) izan ziren puntu gehien batu zituztenak, buruz burukora sailkatuz.

Buruz burukoa gainditu ostean, Iradi Barrenetxea k eskuratu du 2026ko Bizkaiko eskolarteko txapela. Txapela Xabat Galletebeitia Abaroa bertsolariak jantzi zion txapeldunari. Bi finalistak, Barrenetxea eta Abasolo, ekainaren 13an Arantza n jokatuko den Euskal Herriko Eskolarteko finalerako sailkatu dira.

Ekitaldian zehar, Etxahun Lekue Etxebarria aritu zen aurkezle lanetan, eta epaimahaia Beñat Romero Maguregi, Ainhoa Arregi Elosua eta Ander Arrien Azpiazu k osatu zuten. Idazkari lanetan, berriz, Ariane Elejabarrieta Amorrortu aritu zen.

Sari banaketa eguerdian egin zen frontoian bertan. Bertan izan ziren Belate Olabarria Astobiza, Bizkaiko Bertsozale Elkarteko lehendakaria, eta Josu Telleria Uriarte, Bizkaiko ikastolen lurralde batzarreko lehendakaria.

Idatzizko sariketako irabazleen artean, DBH1 mailan Aiotz Loiola (Dima) izan zen lehena; DBH2 mailan, Ane Makazaga (Zornotza); eta DBH3-DBH4-Batxilergoa mailan, Peru Cristoba (Deria).