Hermanos Fernández, Alpujarreña, Pibierzo eta Zaragozana enpresek hartuko dute parte 2026ko Andre Maria Zuriaren jaietako su artifizialen ikuskizunetan. Abuztuaren 5etik 8ra, gauero, gutxienez 15 minutuko iraupena izango duten emanaldiak eskainiko dituzte Mendizabalan, beti bezala, 23:00etan hasita.

Gonbidatutako lau enpresek beren lan sarituenak erakutsiko dituzte, Gasteizen gau desberdinak eskainiz. Abuztuaren 5ean, Hermanos Ferrández piroteknia murtziarrak irekiko du jaialdia, 'Noche mágica' ikuskizunarekin. Enpresa honek 2024ko Andre Maria Zuriaren jaietan ere parte hartu zuen, eta lehen saria irabazi zuen Alacanteko San Juan suen gaztelu lehiaketan, eta hirugarren postua Castellóko Magdalena jaietako Mascletà lehiaketan.

Alpujarreña, Nuestra Sra. del Martirio SCA, Granadako ehun urtetik gorako familia-piroteknia, abuztuaren 6an argituko du gaua. Enpresa honek lehen saria lortu zuen Iruñeko San Fermin su artifizialen nazioarteko XXIV. lehiaketan.

Pirotecnia Pibierzo, Leongo Villaverde de la Abadía herriko enpresa, abuztuaren 7an izango da 'Detonación de colores y ruidos' ikuskizunarekin. 25 urtetik gorako esperientzia du, eta nazioarteko lehiaketetan parte hartu du, hala nola Macaon (Txina), Valentziako Fallak, Costa Bravako Blanes, Tarragona, San Fermin, Castellóko Magdalena, El Ejido eta Logroño. Hainbat sari nagusi irabazi ditu.

Pirotecnia Zaragozana k itxiko ditu jaiak abuztuaren 8an. 1860an Zaragozan sortua, Espainiako enpresa historikoenetako bat da. 2024ko Andre Maria Zuriaren jaietan ere egon zen, eta Sevillako Apirileko Feria, Malagakoa, Zaragozako El Pilar eta Burgos, Gijón, Logroño, Valladolid, Donostia eta Iruñeko jaialdietan parte hartu du.

Su artifizial hauek milaka pertsona erakarriko dituzte Mendizabalara, sortzaileek nazio eta nazioarteko lehiaketa garrantzitsuetan sari ugari pilatu baitituzte. Gauero, Gasteizek kalitate aitortuko ikuskizun desberdin bat biziko du.