Programa honek hamar ibilbide eskainiko ditu maiatzaren 19tik ekainaren 18ra bitartean, astearte eta ostegunetan. Gehienez ehun plaza egongo dira eskuragarri. Ibilbideek zazpi eta hamar kilometro arteko luzera izango dute, zirkularrak edo linealak izan daitezke, eta zailtasunaren arabera sailkatuta daude. Astearteetako ibilbideak intentsitate baxukoak izango dira, eta ostegunetakoak, berriz, moderatuak. Ekainaren 16ko astearterako, intentsitate moderatu-altuko irteera bat programatu da.
Denboraldi honetako ibilbideek Letona, Antoñana, Egileor, Laguardia, Marieta, Corro, Agorita, Izarra, Zumarraundi eta Lalastrako paisaiak zeharkatuko dituzte. Ibilbide bakoitzaren fitxa zehatzak udal webgunean kontsultatu eta deskargatu ahal izango dira.
“"Natura maite dutenen artean oso harrera ona duen jarduera da, eta 55 urtetik gorako pertsonak mendira eta gure ingurune natural hurbilenera hurbiltzeko aukera ematen digu. Parte-hartzaileek beren egoera fisikoari hobekien egokitzen zaizkion ibilbideak aukeratu ahal izango dituzte eta errutinatik deskonektatu, Arabako paisaia ederrenak zeharkatzen dituzten bitartean."
Izen-emate epea maiatzaren 5ean irekiko da, 08:30ean, eta aurrez aurre egin ahal izango da, irteera bakoitzaren aurreko eguneko 13:00ak arte, udal gizarte etxe eta kirol instalazioen sarean. Prezioa 2,70 eurokoa izango da udal kirol instalazioetako abonatuentzat, eta 4,30 eurokoa ez-abonatuentzat. Jarduera garatzeko laguntza behar dutenek izena emateko unean eskatu ahal izango dute, kirol koordinatzaileak baloratuko duen instantzia bat erregistratuz.
55 urtetik gorakoentzako naturako irteeren kanpaina urte osoan zehar garatzen da bi denboralditan: udaberrian (maiatza eta ekaina) eta udazkenean (iraila eta urria), guztira hogei irteera eskainiz urtean.
