Martxoaren 17ko greba orokorreko mobilizazioetan, hainbat pertsonak “soldata doinuak” (soldata duinak) idatzi zuten monumentuaren beheko aldean. Letra gorri deigarri horiek hiru astez egon dira Arabako hiriburuko monumentu ezaugarrienetako batean.

Kultura Sailak, bere garaian, garbiketa espezializatua eta eguraldi baldintza egokiak behar zirela ohartarazi zuen. Aste Santuko aste eguzkitsu honetan bete dira baldintza horiek, eta, beraz, lanak hasi dira, gutxi gorabehera 3.000 euroko kostuarekin.

Gertaera horien harira, gutxienez pertsona bat identifikatu du Udaltzaingoak, Ertzaintzarekin elkarlanean egindako ikerketaren ondoren. Ikerketa hori Sonia Díaz de Corcuera jeltzaleak zuzentzen duen arloaren salaketaren ondorioz abiatu zen.

Gasteizko Guduaren Monumentua 1917an eraiki zen, eta ez zen mende bat baino gehiago irauteko pentsatuta. Gaur egun, kalte ugari ditu eta Zerrenda Gorrian dago. Gainera, azken hamarkadetan izan duen mantentze-lan eskasak narriadura areagotu du. Monumentua berritzeko 360.000 eta 400.000 euro artean beharko lirateke, eta Kultura zinegotziak 2025ean berrituko zela ziurtatu bazuen ere, oraindik ez dago horretarako datarik.