Erakusketa uztailaren 18tik urriaren 18ra egongo da ikusgai. Ekimena datorren abuztuaren 12ko eklipseak sortutako ikusminaren testuinguruan antolatu da, 1860ko gertaera hark Araba nazioarteko ikerketa astronomikoaren erdigunean kokatu zuela gogoratuz.
Garai hartan, Britainia Handiko espedizio bat iritsi zen lurraldera eta behaketa guneak ezarri zituen Ehari, Anda, Pobes, Urizaharra, Hereña, Laudio eta Guardia herrietan, baita Toloño mendilerroan eta Gasteizko Santa Luzia gainean ere. Azken puntu horretan, gaur egun, monolito bat dago gertaera hura oroitzeko.
Erakusketak zientziaren, artearen eta industriaren arteko lotura agerian uzten du. Bildumak jatorrizko zirriborroak, karta astronomikoak eta karta sorta historikoak biltzen ditu, museoak gordetzen dituen karta enpresaren funtsekin lotuta.
