Kontratua Autopistas-Gertek-Altuna y Uría aldi baterako enpresen batasunari esleitu zaio, eta 37.234.389 euroko aurrekontua du, BEZik gabe. Esleipen honek AP-68 autobidean erabilera-ordainketa sistema berria ezartzeko beharrezkoak diren obra materialak eta ekipamendu teknologikoen instalazioa barne hartzen ditu.
Gainera, kontratuak merkataritzako 'backoffice' bateratu bat garatzea aurreikusten du. Sistema honek AP-68 rako eta etorkizunean ezarriko diren edukiera handiko gainerako bideetarako euskarri teknologikoa eskainiko du. 'Backoffice' honek bide horietako joan-etorrien kudeaketa integratua erraztuko du, fakturazioa, kobrantza, erabiltzailearen arreta, erreklamazioen kudeaketa eta finantza kontrola barne.
Proiektua idazteko 14 asteko epea ezarri da, eta obrak egiteko eta sistema osoa martxan jartzeko beste 50 aste. Kontratuak, halaber, sistemaren operazioaren kudeaketa barne hartzen du AP-68 autobidearen Arabako tartean erabilera-ordainketa sistema abian jarri eta lehen bost urteetan.
Arabako Foru Aldundiak jakinarazi duenez, sistema berria pixkanaka ezarriko da, faseka, beharrezko probak egin eta haren fidagarritasuna eta funtzionamendua erabat bermatzeko.
