Eusko Jaurlaritzako Ongizate, Gazteria eta Erronka Demografikoaren Sailak duela hamar urte sortutako Kontzilia Komunitatea k bere hamargarren urteurrena ospatu du gaur Vitoria-Gasteiz ko Villa Suso jauregian. Hasieran hiru enpresa baino ez zituena, gaur egun 47 enpresa eta kooperatiba biltzen ditu, tamaina eta sektore guztietakoak, guztiak ere kontziliazio-neurri eredugarriak dituztenak. Topaketan parte hartu duten enpresen artean daude Lantegi Batuak, Bahía de Bizkaia Gas, Zikotz, Industrias Mujika, Urkide eta Construcciones Otegi Gaztañaga.
Egungo egoerak erakusten du langileen %29,6k zailtasun larriak dituela lan- eta familia-bizitza uztartzeko, eta emakumeek egunean 1,3 ordu gehiago eskaintzen dietela zaintza-lanari. Errealitate honi aurre egiteko, sailak Deustuko Unibertsitatearekin lankidetzan Kontziliazio Katedra bat sortzeko lan egiten ari da. Gainera, sailak aurten %10 handitu du familia- eta lan-bizitzaren kontziliazioa sustatzeko neurrien aurrekontua, eta dagoeneko 120 enpresa baino gehiagok eskatu dute Euskadin enpresentzako kontziliazio-planak eta diagnostikoak egiteko laguntza ekonomikoak.
“"Ez da nahikoa neurriak izatea, hurrengo hamarkadako erronka neurrietatik kontziliazio-kulturara pasatzea da. Politika paperean ez du balio inork erabiltzera ausartzen ez bada. Kontziliazioa egunerokoan jokatzen da: bost eta erdietan deitzen ez den bilera batean edo beldurrik gabe eskatzen den baimen batean."
Topaketako ponentzia nagusia Leire Gartzia irakasleak eman zuen, Deusto Business School-etik. "Nola neurtu kontziliazioa eta erantzukidetasuna: adierazleak, eragina eta erabakiak hartzea" lelopean, Gartziak enpresen eta langileen arteko erantzukidetasunaren eta kontziliazio-neurrien onura partekatuen inguruan sakondu zuen. Gartziak nabarmendu zuen neurri eta programa horien sistema-neurketa eta ebaluazio zorrotza egitearen garrantzia, benetako irismena ezagutzeko eta haien eraginkortasuna aztertzeko. Kontziliazio-ekimenak sustatzeko interesa badago ere, Gartziaren hitzetan, «askotan ez dago mekanismo nahikorik garatuta haien benetako eragina ezagutzeko, zer funtzionatzen duen identifikatzeko eta zein alderdik doikuntzak eskatzen dituzten». Horregatik, «ebidentzian oinarritutako metodologia eta tresnak txertatuz, ebaluazio-kultura handiago baterantz aurrera egitea ezinbestekotzat» jotzen du.
Kontzilia Komunitatearen lanaz gain, Euskalit-ekin elkarlanean, hamabi euskal enpresak jada Euskadin kontziliazioa neurtzen duen kalitate-zigilua jaso dute. Hainbat mailatako lau zigilu dira, eta 39 enpresa berrik parte hartzeko eskatu dute. Laster jakingo da zein aitortza dagokien.
