Gasteizko Ingurugiro Gaietarako Ikastegiak (CEA) hiriko bizikleta-ibilbideen mapa berrargitaratu du. Mapa tolesgarri formatuan aurkezten da eta hiriko bizikleta-sareari buruzko informazio eguneratua eskaintzen du, azken bi urteetan eraiki diren bide berriak barne.

Argitalpen honek VGbiziz sareko aparkaleku seguruen puntuak ere erakusten ditu, eta berrikuntza nagusi gisa, Mugibike zerbitzuari buruzko informazioa dakar. Mugibike bizikleta mailegu publikoko zerbitzua da, 2025eko abenduan martxan jarri zena.

Gainera, mapak hiriko "metrominutu txirrindularia" ere gehitu du, hiriko puntu nagusien arteko bizikletazko joan-etorrien denbora estimatuak erakusten dituen tresna. Mapa euskaraz eta gaztelaniaz dago eskuragarri, eta 4.000 ale inprimatu dira.

Maparen atzealdean, VGbiziz, Mugibike eta udal bizikleta-erregistroaren funtzionamenduari buruzko informazioa kontsulta daiteke. Horrez gain, zirkulazio segururako aholku praktikoak ere jasotzen ditu, bizikleta-bideetan eta galtzadetan oinarrizko araudia eta bizikleta lapurreta prebenitzeko gomendioak barne.

Aleak batez ere CEA k urtero antolatzen dituen bizikletazko zirkulazio segurtasuneko ikastaroetako ikasleen artean banatuko dira. Bizikleta-dendetan eta Turismo Bulegoan ere eskuragarri egongo dira.