Darawan Haji Hamid, KRGren Espainiako ordezkariak gidatutako delegazio bat Gipuzkoan izan da, bertako enpresa-ehuna ezagutu eta lankidetza-aukera potentzialak aztertzeko helburuarekin. Topaketa Cámara de Gipuzkoa-n egin da.
Kurdistan Irakiko Errepublika Autonomoak 6 milioi biztanle baino gehiago ditu eta nazioartean presentzia nabarmena du, besteak beste, Frantzia, Alemania eta Estatu Batuekin. Gainera, hainbat proiektu garatzeko finantzaketa europar eta estatubatuar programen bidez lortzen du.
Topaketan, eskualdearen indargune ekonomiko nagusiak aurkeztu dira, bereziki Oil & Gas, nekazaritza, turismoa eta digitalizazioa bezalako sektoreetan. Gipuzkoako enpresentzako interes-arloak ere aztertu dira.
Testuinguru honetan, Cámara de Gipuzkoa-k lankidetza-akordio bat sinatzea aurreikusten du Kurdistan Irakiko Merkataritza Ganberekin. Akordio honek informazioa trukatzeko, interes komunak identifikatzeko eta etorkizuneko lankidetza-aukera berriak esploratzeko esparru bat ezarriko du.
Akordioak lehen urratsa suposatuko du merkatu honen ezagutza sakontzeko eta Gipuzkoako zein Kurdistan Irakiko enpresa eta eragile ekonomikoen arteko etorkizuneko harremanak errazteko.
