Gizonezkoen lehian, Diego Pérezen, Mikel Lizarralderen, Óscar Andrés Medinaren, Leandro Salvagnoren, Adrián Gonzálezen, Ander Zabalaren eta Gorka Aranberriren taldeak urrea eskuratu zuen. Bost segundo eta 53 ehunenekotan nagusitu zitzaizkien Zierbenari, sailkapeneko bigarrenari. Hirugarren sailkatu zen Txapela, ia 27 segundora.

Emakumezkoen finalean ere Oriok hartu zuen lehen postua, San Juani lau segundo eta 50 ehunenekotan irabaziz. Itziar Olasagasti, Andrea Oubiña, Claudia Armora, Maddi Alcain, Edith Uranga, Leire Gutiérrez eta Maider Etxanizek osatutako taldeak eskuratu zuen urrea.

Bestalde, Hibaika taldeak zilarrezko domina eskuratu zuen jubenil mailako emakumezkoen finalean. Ondarroa izan zen garailea, eta San Juan laugarren postuan sailkatu zen.